ഒരിക്കല്ക്കൂടി നമുക്കാ കല്പടവുകളില് ഒന്നിക്കാം
ഈ ഇളം കാറ്റില് അല്പനേരം ചേര്ന്നിരിക്കാം
നിന്റെ തണുത്ത കൈവിരലുകളില് എന്റെ വിരലുകള് ഇടചേര്ക്കാം
എന്റെ കൈകള്കെന്തു ചൂടെന്നു ഒരിക്കല് കൂടി നിനക്ക് പറയാന്
ഇളം കാറ്റിലുലയുന്ന നിന് മുടിയിഴകളെ വിരല് തുമ്പില് ഞാനൊതുക്കാം
സ്വര്ണ നിറമാര്ന്ന നിന് നേര്ത്ത മുടിയിഴകള്
എന്റെ നിശ്വാസങ്ങളില് ആടി ഉലയുന്നത് കാണാന്
നിന്റെ കവിള്ത്തടങ്ങളില് അറിയാതെന്നധരങ്ങള് അലിയുവാന്
നിന്റെ മിഴികളിലെ സമുദ്രതിന്റ്റെ ആഴം അറിയുവാന്
ഒരിക്കല്ക്കൂടി നമുക്കാ കല്പടവുകളില് ഒന്നിക്കാം....
ഇന്നു ഈ പടവുകളില് ഞാന് മാത്രം ..കുറെ നേര്ത്ത വേദനകളും ..
ഇവിടെ നിന്റെ നനഞ്ഞ കാല്പാടുകളില്ല ..
നീ ചൂടിയ റോസാപൂവിതളുകളില്ല...
ഒരിക്കല് കൂടി നമുക്കി കല്പടവുകളില് ഒന്നിക്കാം
ഒന്നിനുമല്ലെങ്കിലും ...പിരിയാനായി മാത്രം ....
No comments:
Post a Comment